REMEDIĖRENDE
OPVOEDKUNDE (RO)
(REMEDIAL
EDUCATION)
1. DEFINISIE
Remediėrende
Opvoedkunde is die wetenskap van remediėrende handelinge of van die
remediėringsproses in opvoedingsituasies (opvoeding = die pedagogiese + die
andragogiese + die gerontagogiese).
2. EIENSKAPPE
Die volgende is
eienskappe van Remediėrende Opvoedkunde:
2.1 Werklikheidsgetrouheid
2.1.1 RO is ingebed in die universele
opvoedingswerklikheid (pedagogiese werklikheid + andragogiese werklikheid +
gerontagogiese werklikheid). Opvoeding
is opwegwees na 'n doel en sodra daar sprake is van opwegwees, is onmiddellik
die moontlikheid gegee om weg te beweeg van daardie weg. Waar wegbeweeg teenwoordig is, is
onmiddellik die moontlikheid van terugbeweeg gegee. Terugbeweging kan geskied met die hulp van remediėrende
handelinge. Terugbeweging is 'n
inherente deel van die remediėringsproses.
2.1.2 RO as vorm van
wetenskap is die uitkoms van die beskrywing van die universele ervaringsfeit
dat mense opweg is (Homo viator), dat daar van 'n besondere weg afgewyk kan
word en dat die moontlikheid bestaan van 'n terugkeer na daardie weg (met
remediėrende hulpverlening).
2.1.3 RO is die
uitkoms van wetenskaplik-verantwoorde bedinking van die remediėringsgebeure as
besondere agogiese gebeure wat menslike (resp. medemenslike) betrokkenheid as
moontlikheidsvoorwaarde het.
2.1.4 2.2 Essensiebewustheid
2.2.1 RO onderneem fundamentele analises van
remediėrende handelinge, waar "fundamentele" dui op 'n kritiese
deurdink na die grondliggende, dit wil sź die essensiėle, die gelykblywende en
die universele: remediėringsessensies
moet aan die lig gebring word.
2.2.2 RO is krities wesenskenmerke-beligtend ingestel
op die aan die lig bring van wyses van lewe wat remediėrende betekenis
het. Remediėrende lewenswyses word bevorder
wanneer daar van terapie sprake is.
2.3 Skerp
kennisinsameling
2.3.1 RO strewe na kennisuitbreiding deur die
insameling van relevante kennis (navorsing) van die remediėringsproses,
sistematisering van daardie kennis en 'n inslag van die praktykbetekenis
daarvan.
2.3.2 RO as vorm van wetenskap is ingestel op
gesprekke met deskundiges (ook die van aanverwante terreine) en met mense van
die praktyk.
2.3.3 RO wil beide berekenende en besinnende denke
aanwend d.w.s. kwantitatiewe en kwalitatiewe navorsing wat sal lei tot die
onverborgemaking van remediėringsessensies.
2.4 Wetenskap
van remediėrende opvoeding
RO is die
wetenskap van remediėrende opvoeding wat gekenmerk word deur:
(i) Doelgerigte
remediėrende begeleiding: die doel is
die inwerkingstelling van remediėrende handelinge na 'n fundamentele analise
van die redes vir die afwyking wat plaasgevind het. (ii) Normatief-bepaalde handelinge: begeleidingessensies (agogiese essensies) word as maatstawwe vir
behoorlike handeling aangewend (pedagogiese essensies - andragogiese essensies
- gerontagogiese essensies), met agneming van die interpretasies van Filosofie
van die Opvoeding en Sielkundige Opvoedkunde.
(iii) Juridies-gereguleerde
handelinge: afwyking-identifisering en
terapeutiese regstelling geskied ooreenkomstig tersaaklike wetgewing en 'n
Handves vir Menseregte.
(iv) Kommunikatiewe
handelinge: mens-mens verhoudinge word
nie verduister deur mens-tegnologie ("sielkundige toetse")
verhoudinge nie.
(v) Menswaardige
handelinge: identifisering van
afwykings en die redes daarvoor met die daarmee gepaardgaande remediėrende
handelinge, word spesifiek met die oog op beskerming en gedying van
menswaardigheid voltrek.
(vi) Nie-diskriminerende
handelinge: geen diskriminasie op grond
van ras, kleur, geloof of geslag word geduld nie, maar daar is 'n sterk
beklemtoning van die betekenis van individuele verskille.
(vii) Oordrag: wyses van leer wat betekenis het vir die
terugkeer na 'n besondere weg sal onderrig word en noodhebbendes sal
ondersteun word in die leer (aanleer) daarvan.
(viii)Moedige
begeleiers: moed tot remediėring is 'n
fundamentele aangeleentheid. Die
remedieerders moet opgeleide persone wees wat verantwoordelikheid kan dra vir
remediėring. Dit is in werklikheid moed
om die sin van remediėrende handelinge in te sien en om ondanks teleurstellende
ervarings telkens opnuut weer betrokke te raak.
(ix) Lerende
begeleides: remediėring word as
leerwyse raakgesien. Dit hou die
moontlikheid in vir die remedieerders om besondere aandag te gee aan die
remediėrende betekenis van verskillende tersaaklike leerteorieė.
(x)
Vormbare moontlikhede: omdat die
mens (ook mens-in-nood) moontlikheid is, is die remedieerders nooit hensoppers
nie, maar blywende betrokkenes by die remediėringsgebeure.